အမြန် လမ်းမကြီး ပေါ်တွင် တစ်ပတ် အတွင်း ယာဉ် နှစ်စီး မှောက်ပြီး လူ ခုနစ်ဦးသေ

ရန်ကုန် - နေပြည်တော် အမြန် လမ်းမပေါ်တွင် တစ်ပတ် အတွင်း အိမ်စီးကား နှစ်စီး တိမ်းမှောက် ခဲ့ပြီး စုစုပေါင်းလူ ၇ ခုနှစ်ဦး သေဆုံး ခဲ့ကြောင်း သတင်း ရရှိသည်။ နိုဝင်ဘာ ၂၃ ရက် ညနေ ပိုင်းက အဆိုပါ လမ်းမပေါ်ရှိ ဒိုက်ဦးမြို့နယ်၊ ဖောင်တော်သီေ ကျးရွာ အနီး၌ အိမ်စီးကား တစ်စီး တိမ်းမှောက်၍ ကားပေါ်ပါ လာသူ လူ ၄ ဦး သေဆုံး ခဲ့သည်။ ထိုဖြစ်စဉ် နှင့် ၂ ရက်သာ ခြား၍ နိုဝင်ဘာ ၂၆ ရက် မွန်းလွဲ ပိုင်းတွင်လည်း ရန်ကုန် - နေပြည်တော် အမြန် လမ်းမ ပေါ်၌ ကားရှေ့ဘီးပေါက်၍ ကား မှောက်ပြီး လူသုံးဦး သေဆုံး ခဲ့ကြောင်း ငါးဆူတောင် ရဲစခန်းမှ တာဝန်ရှိသူတစ်ဦးက ပြောသည်။

ထိုသို့ အမြန်လမ်းမကြီးပေါ်တွင် ကား တိမ်းမှောက်မှုများ ဖြစ်ပွားမှုတွင် အိမ်စီးကား များမှာ အများဆုံး ဖြစ်ပြီး၊ ပြီးခဲ့သည့် အောက်တိုဘာလ ကလည်း ကားမှောက်မှု ဖြစ်ပွား ခဲ့ပြီး လူသုံးဦး သေဆုံး ခဲ့ကြောင်း သိရသည်။ ထိုလမ်းကို မောင်းလေ့ မောင်းထ မရှိသေးဘဲ သတ်မှတ် မိုင်နှုန်းထက် ပိုမောင်းခြင်း၊ ကားလမ်းများ ကောင်း၍ အရှိန်တင် မောင်းစဉ် ကား အမြန်နှုန်း တက်လာ သည်ကို သတိမမူမိဘဲ အကွေ့များ အရောက်တွင် လမ်းချော်ခြင်း စသော အကြောင်းများကြောင့် ထိုသို့ တိမ်းမှောက်မှုများ အများဆုံး ဖြစ်ပွားရကြောင်း ဒေသခံများထံမှ သိရသည်။

“အမြန်လမ်းမှာ ကားတွေမှောက်တာ ကားလေးတွေ များပါတယ်။ အိမ်စီးကား တွေပဲပေါ့။ ကားမှောက်ရတဲ့ အဓိက အကြောင်းရင်းက သတ်မှတ် ထားတဲ့ မိုင်နှုန်းတွေကို မလိုက်နာတာဘဲ။ ယာဉ်မောင်းတွေက မောင်းကောင်း တိုင်းမောင်းကြတယ်။ အရှိန်လျှော့ဖို့ သတိ လက်လွှတ် ဖြစ်တယ်။ အဲဒီတော့ လမ်းတွေကို ရုတ်တရက် ကွေ့လိုက်ရတဲ့ အချိန်မှာ ကိုယ့်အရှိန်ကိုယ် မထိန်းနိုင်ဘဲ မှောက်ကြတယ်”ဟု နေပြည်တော် ယာဉ်ထိန်းတပ်ဖွဲ့မှ အရာရှိကြီးတစ်ဦးက ပြောကြားသည်။

၀၄ . ၁၂ . ၂၀၁၀
© 7 Day News

ခြောက်လွှာမှ ပြုတ်ကျ ခဲ့သော မိန်းကလေးငယ် သေကံ မရောက်

ကျောက်တံတား မြို့နယ် အတွင်း နိုဝင်ဘာ ၁၉ ရက် နံနက်ပိုင်းက အထပ်မြင့် တိုက်ခန်း တစ်ခုတွင် နေထိုင်သည့် အိမ်အကူ အမျိုးသမီးငယ် တစ်ဦးသည် ဝရန်တာ၌ အဝတ်လှန်း နေစဉ် ၆ လွှာ အမြင့်မှ မြေပြင်သို့ ပြုတ်ကျခဲ့ သော်လည်း သေကံ မရောက် ခဲ့ကြောင်း သိရသည်။ ဖြစ်စဉ်မှာ နိုဝင်ဘာ ၁၇ ရက် နံနက် ၇ နာရီ ၄၅ မိနစ် အချိန်၌ ကျောက်တံတား မြို့နယ်၊ ၃၅ လမ်း အထက်ရှိ တိုက် အမှတ် (၃၅၃/ဗ) ၊ ၆ လွှာတွင် အိမ်အကူ အဖြစ် လုပ်ကိုင်လျက် ရှိသူ အသက် ၁၂ နှစ် အရွယ်ရှိ မ..... သည် အိမ်ရှင် များ အိပ်ပျော် နေစဉ် တိုက်ခန်းရှေ့ ဝရန်တာ၌ အဝတ်ထွက် လှန်းရာ အဝတ် ပြုတ်ကျ သွားသည်ကို လှမ်းဆွဲရာမှ အရှိန်လွန်ကာ အောက်သို့ ပြုတ်ကျ ခဲ့သည်။ မျက်မြင် ကြုံတွေ့ခဲ့ရသည့် ၃၅ လမ်းတွင် နေထိုင်သူ တစ်ဦးက “အပေါ်က ပြုတ်ကျ လာတုန်း ကတော့ အဝတ်ထုပ် ကျလာတယ်ပဲ ထင်နေတာ။

နောက်တော့မှပဲ တိုက်ပေါ်က လူပြုတ်ကျမှန်း သိရတယ်။ အခုပြုတ်ကျတဲ့ ကောင်မလေးက အဲဒီအိမ်မှာ အိမ်အကူလုပ်တာ မကြာသေးဘူး။ သူက သွက်သွက်လက်လက်လေး။ ပြုတ်ကျတဲ့ အချိန် အိမ်ရှင်တွေကလည်း အိပ်နေတုန်းဆိုတော့ သူပြုတ်ကျတာကို မသိဘူး။ လမ်းထဲက လူတွေ သွားပြောမှ သိရတာ” ဟု ဆိုသည်။ အဆိုပါ တိုက်နှင့် မျက်နှာချင်းဆိုင် တိုက်ခန်းတွင် နေသူ တစ်ဦးက “မနက်စောစောပိုင်း အဲဒီ ဝရန်တာမှာ ဆပ်ပြာရည်တွေနဲ့ ကောင်မလေး ကြမ်းတိုက်နေတာကို တွေ့တယ်။

ပြီးတော့ အဝတ်ထွက်လှမ်းရင်း အောက်ကို ပြုတ်ကျတယ်။ အောက်ကိုကျတဲ့ အချိန်မှာ ဓာတ်ကြိုးပေါ်ကို အရင်ကျပြီး အဲဒီကမှ အောက်မှာ ညအိပ်ရပ်ထားတဲ့ ဆလွန်းကားပေါ်ကျတယ်။ ပြီးမှ လမ်းပေါ်ကို ဘေးစောင်းလေး ကျသွားတယ်။ လက်က အရိုးကတော့ ငေါထွက်သွားပြီး ခေါင်းကိုလည်း ထိသွားတယ်။ သွေးတွေ အရမ်း ထွက်နေပြီး သတိမရလို့ ဆေးရုံကို အမြန်ဆုံး ပို့လိုက်ရတယ်”ဟု ပြောသည်။ ထိုသို့ တိုက်ပေါ်မှ ပြုတ်ကျမှုနှင့် ပတ်သက်၍ ပြုတ်ကျခဲ့သည့် အမျိုးသမီးငယ် သေဆုံးခြင်း ရှိ၊ မရှိ နှင့် အမှုဖွင့် အရေးယူထားခြင်း ရှိ၊ မရှိ တို့အား ကျောက်တံတားမြို့နယ် ရဲစခန်းသို့ ဆက်သွယ်မေးမြန်းရာ တာဝန်ရှိသူတစ်ဦးက အဆိုပါ အမျိုးသမီးငယ်ကို ဆေးရုံသို့ အချိန်မီ ပို့ဆောင်နိုင်ခဲ့ခြင်းကြောင့် အသက်သေဆုံးမှုမရှိဘဲ ထိခိုက် ဒဏ်ရာ ပြင်းထန်စွာ ရရှိခဲ့သဖြင့် ရန်ကုန် ပြည်သူ့ဆေးရုံကြီး၌ အတွင်း လူနာ(မစိုးရိမ်ရ) အဖြစ် ဆက်လက် ဆေးဝါးကုသမှု ခံယူ လျက်ရှိကြောင်းနှင့် အမှုဖွင့် အရေးယူထားခြင်း မရှိကြောင်း သိရသည်။

၀၃ . ၁၂ . ၂၀၁၀ © Flower News
သူရထွန်း

အရက်မူး သမား ထံမှ ရွှေဆွဲကြိုး ဖြုတ်ခိုး

အရက်မူး နေသည်ကို အခွင့်ကောင်း ယူ၍ ရွှေဆွဲကြိုးဖြုတ် ခိုးသည့် ဖြစ်ရပ် တစ်ခု နိုဝင်ဘာ ၁၁ ရက်က သာကေတ မြို့နယ်တွင် ဖြစ်ပွား ခဲ့ကြောင်း သိရသည်။ သာကေတမြို့နယ် ၆/ အနောက် ရပ်ကွက်၊ ဝေဇယန္တာ အနောက် ၁၃ လမ်းနေ ကွန်ပျူတာ စာစီစာရိုက် လုပ်ကိုင်သူ ဦးသန်းထွန်းလေး (၃၈) နှစ်သည် ယင်းရပ်ကွက် ဇင်္ဂမလမ်းရှိ စားသောက်ဆိုင်တွင် ဘီယာသောက်ပြီး စက်ဘီးစီး၍ နေအိမ်သို့ ပြန်လာစဉ် ဇင်္ဂမလမ်းဘေးတွင် စက်ဘီးနှင့် အတူလူပါ လဲကျသွားခဲ့သည်။

ထိုစဉ် လူနှစ်ဦး ရောက်ရှိလာပြီး တွဲပို့ပေးမည်ဟု ပြောဆိုကာ ၎င်းအား တွဲပို့ခဲ့သည်။ ဦးသန်းထွန်းလေး သတိရလာသော အခါ သာကေတမြို့၊ ဇောတရုံလမ်း၊ အမက (၃) ကျောင်းရှေ့သို့ရောက်နေသည်ကို တွေ့ရပြီး ဝတ်ဆင်ထားသော ကျပ်ခြောက်သိန်းခွဲတန် ရွှေဆွဲကြိုး နှင့် စီးလာသော စက်ဘီးမှာလည်း ပျောက်ဆုံး နေကြောင်း သိခဲ့ရသည်။ ယင်းအမှုကို သာကေတ အမှတ် (၁) ရဲစခန်းမှ (ပ)၅ဝ၂/၂ဝ၁ဝ ပြစ်မှုပုဒ်မ ၃၇၉ဖြင့် စုံစမ်း ဖော်ထုတ်လျက် ရှိကြောင်း သိရသည်။


၀၃ . ၁၂ . ၂၀၁၀

ငါးကန် အရောင်း အဝယ် ပြောရာမှ လူသတ်မှုဖြစ်

ငါးကန် အရောင်း အဝယ် ပြောရာမှ လူသတ်မှုထိ ဖြစ်ခဲ့ ရသည့် ဖြစ်စဉ် တစ်ခု ကော့မှူး မြို့နယ်တွင် ဖြစ်ပွား ခဲ့သည်။ နိုဝင်ဘာ ၁၂ ရက် ည ၇ နာရီခန့်က ကော့မှူးမြို့နယ်၊ ရွာတန်းရှည် ကျေးရွာ အုပ်စုရှိ ကန့်လန့် ကျေးရွာနေ ပြည့်စုံ ဆိုသူ သည် လယ်ထဲတွင် ရှိနေစဉ် အစ်ကိုဖြစ်သူ ဝင်းထွဋ်အား တစ်ရွာတည်း နေသူ စိုးမောင်မောင် ဆိုသူက ကွင်းပိုင် ပူဇော်ရန် ရှိကြောင်း ပြောပြီး လိုက်ခဲ့ရန် ခေါ်သွားခဲ့သည်။

ထို့နောက် စိုးမောင်မောင် နှင့် ဝင်းထွဋ်တို့ နှစ်ဦးသည် ငါးကန် အရောင်းအဝယ် ကိစ္စဆွေးနွေးကြပြီး စိုးမောင်မောင်က ငါးကန်အား ကျပ်တစ်သိန်းခွဲဖြင့် ရောင်းချရန်ပြောခဲ့ရာ ဝင်းထွဋ်က တစ်သိန်းသာ ပေးမည်ဖြစ်ကြောင်း ပြောကြရာမှ စကားများ ရန်ဖြစ်ပြီး စိုးမောင်မောင်က ဝင်းထွဋ်အား အရိုးအသွား လက်မ၂၀ခန့်ရှိ ကိုင်းခုတ်ဓားဖြင့်ခုတ်၍ ဝင်းထွဋ်မှာ လည်ပင်းတွင် ပြတ်ရှ ဒဏ်ရာ ရရှိပြီး သေဆုံးသွား ခဲ့သည်။ ကော့မှူးရဲစခန်းမှ (ပ)၁၃၁/၂၀၁၀၊ ပြစ်မှုပုဒ်မ ၃၀၂ဖြင့် အမှုဖွင့် စစ်ဆေးလျက် ရှိသည်။

၀၃ . ၁၂ . ၂၀၁၀ © The Voice

ရောဂါဝေဒနာ ခံစားနေရသော ဇနီးသည်၏ သေဆုံး လိုသော ဆန္ဒကို ဖြည့်ဆည်း ကူညီသည့် ခင်ပွန်းသည် တရားရင်ဆိုင် နေရ

ဤအမှုသည် ယခုနှစ် မေလတွင် ရှက်ဖီးလ်ရှိ ၀က်ဒ်စလီတွင် ဖြစ်ပွားခဲ့သော လူသတ်မှု တစ်မှု ဖြစ်သည်။ ထို အမှုတွင် လူသတ်သမားဟု စွပ်စွဲခံရသူ ခင်ပွန်းက ကိုယ့်ကိုယ်ကိုယ် သတ်သေသော ဇနီး ဖြစ်သူအား အဆုံးသတ် ပေးလိုက်ခြင်းဖြင့် တရားရုံးတွင် ထိုအမှုကို လူသေမှုသာ သတ်မှတ် သင့်ကြောင်း လျှောက်လဲ ထားသော အမှုတစ်ခု လည်းဖြစ်သည်။ ထိုအမှုတွင် ပင်စင်စား မစ္စတာဂျော့ဝက်ဘ် (၇၃)နှစ်နှင့် ဇနီးဘာယယ် (၇၅)နှစ်တို့သည် ရှက်ဖီးရှိ ၀က်ဒ်စတီမှ အိမ်တစ်လုံးတွင် နေထိုင်ခဲ့ကြသည်။ ဇနီးသည် ရင်သားကင်ဆာ ဝေဒနာရှိ နေသည့်အပြင် မသေဆုံးမီ သုံးလ အလိုက ဆေးရုံက သူမတွင်ဖြစ်တန်ရာ အခြေအနေဖြစ်သော လေဖြတ်ခြင်း လက္ခဏာပြသနေကြောင်း ပြောကြား ခဲ့သည်။

သူမသည် လူနာထိုင်ဘီးတပ် ကုလားထိုင်ဖြင့် သွားလာနေရသူ တစ်ဦးလည်း ဖြစ်သည်။ ယခင် သူမ၏ ဝေဒနာ ခံစားရမှုများ ပြင်းထန်သောအခါ မိမိကိုယ်မိမိ သတ်သေရန် ကြိုးပမ်းလာမှုများ ရှိလာခဲ့သည်ဟု သိရသည်။ သို့ရာတွင် အစိုးရရှေ့နေက တရားရုံးတွင် တင်ပြလျှောက်လဲ သွားချက်များအရ သူမ၏ နေ့စဉ်မှတ်တမ်း စာအုပ်ထဲ၌ ရေးသားထားချက်များတွင် ၎င်း၏ ခင်ပွန်းသည် သူမအား သေသွားစေချင်သည်ဟု ရေးသားဖော်ပြထားခဲ့ပြီး ဆက်လက်ပြီး ရေးသားဖော်ပြထားရာ၌ ၎င်း၏ခင်ပွန်း ထိုကဲ့သို့ စိတ်ရှိသော အနေအထားမျိုးဖြင့် အိမ်ထဲသို့ ၀င်လာသော အခြေအနေမျိုးတွင် အလွန်ကြောက်ရွံ့မိကြောင်းနှင့် မည်သူ့ကိုမျှ မတွေ့လို၊ မမြင်လိုကြောင်း ရေးသားဖော်ပြထားသည်ဟု ထွက်ဆိုသွားခဲ့သည်။

ခင်ပွန်း မစ္စတာ ဂျော့ဝက်ဘ်က ထွက်ဆိုသွားရာ၌ သူမသည် မစ်ဆွမ်းမား ရုပ်သံအစီအစဉ်အား ကြည့်ရှုခဲ့ပြီးနောက် ဆေးများကို အလွန်အကျွံသောက်ပြီး သေရန် စိတ်ကူးရလာခဲ့ကြောင်း၊ ထိုကဲ့သို့ စိတ်ကူးရလာပြီးနောက်ပိုင်း ဝေဒနာကြောင့် သူမသည် မိမိကိုယ်မိမိ သတ်သေရန် ကြိုးပမ်းမှုများ ရှိလာခဲ့ပါကြောင်း၊ သူမသည် မသေဆုံးမီက ဆေးပြားများကို အလွန်အကျွံ သောက်ခဲ့ပါကြောင်း၊ ထိုကဲ့သို့ မလုပ်ဆောင်မီ သူ့အား ထိုကဲ့သို့ လုပ်ဆောင်ပါလျက် သေဆုံးသွားခြင်း မရှိပါက ၎င်းအား မိမိမှ အဆုံးသတ်ပေးပါရန် မှာကြားခဲ့ပါကြောင်း ၎င်းက ပြောကြားခဲ့သည်။

သူမက ဆေးပြားများ အလွန်အကျွံသောက်ပြီး ကြောက်ရွံ့မှုများ သူမထံတွင် ဖြစ်ပေါ်နေစဉ်အချိန်တွင် မစ္စတာဂျော့ဝင်ဘ်က သူမအား အသက်ရှုမွန်းကျပ်၍ သေဆုံးမှုဖြစ်ပေါ်စေရန် လုပ်ဆောင်ခဲ့သည်ဟု သိရသည်။ တရားရုံးတွင် အစိုးရရှေ့နေက မစ္စတာဝက်ဘ်၏ လုပ်ဆောင်မှုသည် အင်္ဂလန်နိုင်ငံ၏ ဥပဒေနှင့် ဆန့်ကျင်သော ပြုမူလုပ်ဆောင်မှုဖြစ်ပြီး တရားမ၀င်ပါကြောင်း တင်ပြခဲ့သည်။ မစ္စတာဝက်ဘ်က သေဆုံးလိုသူ၏ ဆန္ဒအရ လုပ်ဆောင်ပေးခဲ့ သည့်အတွက် ဤအှုသည် လူသေမှုသာ မြောက်သည်ဟု ၀န်ခံထွက်ဆိုခဲ့သည်။ အဆိုပါအမှုအား တရားရုံးမှ ဆက်လက် စစ်ဆေးဆဲ ဖြစ်သည်ဟု သိရသည်။

၀၃ . ၁၂ . ၂၀၁၀
© Daily Mail/ MZM/ AMW

အင်းတော် မြို့နယ်တွင် လူမှောင်ခို ကုန်ကူးသူများအား အမှုဖွင့် တရားစွဲ

စစ်ကိုင်း ဒေသကြီး၊ ကသာ ခရိုင်၊ အင်းတော်မြို့နယ်၊ နားရခေါင် ကျေးရွာနေ၊ အသက် (၁၇) နှစ် အရွယ် အမျိုးသမီးငယ် (၂) ဦးအား မသမာသူ လူတစ်စုမှ ဖျားယောင်း သွေးဆောင်၍ လူမှောင်ခို ကုန်ကူးစဉ် တစ်ဦးအား အချိန်မီ ပြန်လည် တွေ့ ရှိ သော်လည်း ကျန် တစ်ဦးမှာ တရုတ်ပြည်သို့ရောက် ရှိပြီးမှ ဘဝရေတိမ် မနစ်မီ ပြန်လည် ခေါ်ဆောင်နိုင်ခဲ့သော မှုခင်းတစ်ရပ် ဖြစ်ပွားခဲ့သည်။ အမှုဖြစ်စဉ်မှာ စစ်ကိုင်းတိုင်း ဒေသကြီး အင်းတော်မြို့နယ် နားရခေါင်ကျေးရွာတွင် မစန်းစန်းနွယ်(ခ) မနန်းခွင်(၁၇)နှစ်သည် ဖခင်ဖြစ်သူ ဦးအောင်လွင်ဦးနှင့် အတူအဘိုး၊ အဘွားများနှင့် အတူတကွ နေထိုင်ကြသည်။ ၂၂-၄-၂၀၁၀နေ့တွင် မစန်းစန်းနွယ်(ခ) မနန်းခွင်သည် ညီမဝမ်းကွဲတော်စပ်သူ မအိအိဖြိုးနှင့် အတူချောင်းထဲတွင် ရေချိုးနေစဉ် တစ်ရွာတည်းနေ မသူဇာသင်းဆိုသူ ရောက်ရှိလာပြီး မစိုး(ခ) မတင်တင်စိုးမှ လာရောက် တွေ့ဆုံရန်မှာလိုက်ကြောင်း ပြောကြားခဲ့သည်။

ထို့ကြောင့် မစန်းစန်းနွယ်(ခ) မနန်းခွင်သည် ညီမဝမ်းကွဲတော်စပ်သူ မအိအိဖြိုးနှင့် အတူမစိုး(ခ) မတင်တင်စိုးနှင့် တွေ့ဆုံရန် ထွက်ခွာလာခဲ့ရာ စာသင်ကျောင်း ရဲယိုပင်အောက်တွင် မစိုး(ခ) မတင်တင်စိုးမှ မင်းတို့ မူဆယ်မှာ အလုပ်လုပ်မလား၊ တစ်လ ကို(၈၀၀၀၀)ကျပ် ရမယ်။ မင်းတို့ လိမ်လိမ်မာမာ နေရင်တစ်လကို(၁၀၀၀၀) ကျပ်တိုးပေးဦးမှာ ဟုစည်းရုံးခဲ့သည်။ မစန်းစန်းနွယ်(ခ) မနန်းခွင်နှင့် မအိအိဖြိုးတို့ (၂)ဦးစလုံး လိုက်ကြရန် သဘောတူညီကြပြီး ၂၃-၄-၁၀ နေ့တွင် မစိုး(ခ) မတင်တင်စိုး၏ ဆိုင်ကယ်နှင့်အတူ အင်းတော်မြို့ အောင်ဇေယျ ရပ်ကွက်နေ မနှင်းနှင်းရီနှင့်အတူ မလှိုင်ဆိုသူနှင့် တွေ့ဆုံခဲ့ကြသည်။ ၎င်းအပြင် ဒေါ်တင်မြဆိုသည့် အမျိုးသမီးကြီးမှလည်း လိုက်သွားရန် တိုက်တွန်းခဲ့သည်။ ၎င်းနောက် ၂၄-၄-၁၀နေ့နှင့်၂၅-၄-၁၀ နေ့တွင် မှတ်ပုံတင်မရှိသော အိအိဖြိုး အတွက် မှတ်ပုံတင်ပြုလုပ်ရန် အတွက် အင်းတော်မြို့သို့ မစိုး(ခ)မတင်တင်စိုးနှင့်အတူ လဝကရုံးသို့ သွားရောက် ခဲ့ကြပြီး နားရခေါင် ကျေးရွာသို့ ပြန်ခဲ့ ကြသည်။၂၅-၄-၁၀နေ့တွင် မစိုး(ခ) မတင်တင်စိုးမှ မစန်းစန်းနွယ်(ခ) မနန်းခွင်နှင့် မအိအိဖြိုး တို့အားတွေ့ဆုံပြီး ၂၉-၄-၁၀နေ့မှာ ခရီးထွက်မယ်။ အဆင်သင့် လုပ်ထားကြ။ မင်းတို့ အိမ်ကမေးရင် မဲဇာမှာ ပဲကောက်သွားမှာ လို့ပြောခဲ့ကြဟု ပြောကြားခဲ့သည်။

၂၈-၄-၁၀နေ့နံနက် ၈နာရီအချိန်တွင် မစန်းစန်းနွယ်(ခ) မနန်းခွင်နှင့် မအိအိဖြိုးတို့သည် အင်းတော်ဂိတ်သို့ သွားရောက်ခဲ့ကြပြီး အင်းတော်သို့ သွားရောက်ခဲ့ကြသည်။ အင်းတော်သို့ ရောက်သော အခါ မစိုး (ခ)မတင်တင်စိုး၊ မနှင်းနှင်းရီ၊ မလှိုင် တို့နှင့်အတူ လဝက ရုံးသို့သွား ရောက်ခဲ့ရာ ရုံးပိတ်ထားသဖြင့် ဦးစီးမှူး အိမ်သို့သွားရောက် အကူအညီ တောင်းခဲ့ကြသည်။ အိအိဖြိုးမှာ မှတ်ပုံတင် မရသေးသဖြင့် အင်းတော်တွင် ကျန်ရစ်ခဲ့ပြီး ၂၉-၄-၁၀နေ့တွင် အင်းတော်ဘူတာမှ မီးရထားဖြင့် မန္တလေးသို့ ထွက်ခွာခဲ့ကြပြီး ၃၀-၄-၁၀နေ့တွင် မန္တလေးသို့ ရောက်ရှိကာ ပြည်ကြီးမျက်ရှင် တည်းခိုခန်းတွင် တည်းခိုခဲ့ကြသည်။ ၁-၅-၁၀နေ့တွင် ပြည်ကြီးမျက်ရှင် တည်းခိုခန်းမှ တစ်ဆင့် နန့်ခမ်း တည်းခိုခန်းသို့ ပြောင်းရွေ့ခဲ့ကြပြီး ၂-၅-၁၀နေ့တွင် ရတနာစိုးကားဂိတ်မှ တဆင့် မော်တော်ယာဉ်ဖြင့် မူဆယ်မြို့သို့ထွက်ခွာ ရောက်ရှိခဲ့ကြသည်။ မူဆယ်သို့ ရောက်ရှိ သောအခါ မလှိုင်မှ ဖုန်းဆက်ခဲ့ရာ မော်တော်ကားတစ်စီးဖြင့် မနှင်းကြည်ဆိုသူ ရောက်ရှိလာပြီး တရုတ်ပြည် မန်ရှီမြို့သို့ထွက်ခွာ ခဲ့ကြသည်။

တရုတ်ဘာသာ စကားများဖြင့် ရေးသားထားသော တိုက်ကြီးများကို မြင်တွေ့ရသည့် အခါ တရုတ်ပြည်သို့ ရောက်ရှိပြီ ဖြစ်ကြောင်း သိရှိရပြီး မန်ရှီမြို့ပေါ်မှ အထပ်ပေါင်းများ စွာမြင့်သော တိုက်သို့ ခေါ်ဆောင်သွား ခဲ့သည်။ ထိုတိုက်ပိုင်ရှင် တရုတ်မကြီးနှင့် မနှင်းကြည်တို့ တရုတ်ဘာသာ စကားဖြင့် အပြန်အလှန် ပြောဆိုကြ ပြီးနောက် မနှင်းကြည်မှ မစန်းစန်းနွယ်(ခ) မနန်းခွင်အား အလုပ်ရပြီ၊ မင်းဒီမှာ နေရမှာဟု ပြောကာ အိပ်ဆောင်တွင် နေရာချထား ပေးခဲ့သည်။ အဆိုပါ အိပ်ဆောင်တွင် မစန်းစန်းနွယ်(ခ) မနန်းခွင်နှင့် ရွယ်တူ မိန်းကလေး(၃၀)ဦးခန့်ရှိကာ အင်းတော် မြို့နယ်၊ စက်တောကုန်းရွာသူ မဝါဝါ ဆိုသူကိုလည်းတွေ့ရှိခဲ့ရသည်။ အိပ်ဆောင်တွင် တွေ့ရသော မိန်းကလေး များသည် အရှက်လုံရုံ မျှသာ ဝတ်ဆင်ထားသည် ကိုလည်းတွေ့ရှိရပြီး နှိပ်နည်း(၁၂) မျိုး ရှိသည့်အနက် မစန်းစန်းနွယ်(ခ) မနန်းခွင်အား အဆင့်(၁) နှိပ်နည်းကို သင်ကြား ပေးခဲ့သည်။

၎-၅-၁၀နေ့ နေ့လည်ပိုင်းတွင် မနှင်းကြည်မှ မစိုးအား အင်းတော်မှ ဖုန်းလာကြောင်း ပြော၍ ဖုန်းဆက်ကြ သောအခါ မစန်းစန်းနွယ်(ခ) မနန်းခွင်အား အုပ်ထိန်းသူ မိဘများ မသိအောင် ဖျားယောင်း သွေးဆောင် ခေါ်ဆောင်သွားကြသည့် မစိုး(ခ) မတင်တင်စိုးနှင့် မနှင်းနှင်းရီ တို့အား မစန်းစန်းနွယ်၏ ဖခင်ဦးအောင်လွင်ဦးမှ အင်းတော် ရဲစခန်းတွင် အမှုဖွင့်ထားကြောင်း ထို့ကြောင့် မစန်းစန်းနွယ် (ခ)မနန်းခွင်အား အမြန်ပြန်ပို့ရန် ဆက်သွယ်ခဲ့ကြောင်း သိရသည်။ ထို့ကြောင့် မစိုးတို့မှ ၅-၅-၁၀နေ့တွင် မစန်းစန်းနွယ်(ခ) မနန်းခွင် အား မြန်မာပြည်သို့ ပြန်လည် ခေါ်ဆောင်ခဲ့ကြပြီး အင်းတော်မြို့နယ်သို့ ပြန်ပို့ခဲ့ကြသည်။ အင်းတော်မြို့တွင် ကျန်ရစ်ခဲ့သော မအိအိဖြိုးမှာလည်း မစိုး၏ အိမ်တွင် ၂၉-၄-၁၀နေ့ တစ်ညအိပ်ကာ ၃၀-၄-၁၀နေ့တွင် မနှင်းနှင်းရီ အိမ်သို့ပြောင်းရွေ့ပြီး(၃)ညအိပ် ခဲ့ပါသည်။ အဆိုပါ(၃)ရက် အတွင်း အပြင်သို့ မထွက်ရဘဲ ထမင်းလည်း မကျွေးခဲ့ပါ။

နေ့စဉ် လက်ဖက်ရည်နှင့် အဝါရောင်ဆေးပြား တစ်ပြားတို့ကိုသာ တိုက်ကျွေးခဲ့သည်။ ၃-၅-၁၀နေ့တွင် နားရခေါင်ကျေးရွာမှ မျိုးသူ ရောက်ရှိလာပြီး အိအိဖြိုးအား ရွာသို့ ပြန်လိုက်ခဲ့ရန် ခေါ်ခဲ့သည်။ ဒေါ်တင်မြတို့သား အမိက မပြန်ရန် တားမြစ်ခဲ့ကြသည်။ ထိုအချိန်တွင် မအိအိဖြိုး၏ အမေ မစန်းစန်းဖွေး၊ အဒေါ် မရင်ရင်ထွေး၊ ဦးလေး ဦးအောင်ရွှေ၊ဘကြီး ဦးစံရွှေနှင့် ရဲတပ်ဖွဲ့ဝင်များ ရောက်ရှိလာပြီး မအိအိဖြိုးအား ခေါ်ဆောင်သွားခဲ့ ကြသည်။ ယခုအခါ မစန်းစန်းနွယ်(ခ) မနန်းခွင်နှင့် မအိအိဖြိုးတို့မှာ မိမိတို့၏ ဇာတိနားရခေါင် ကျေးရွာသို့ပြန် လည်ရောက်ရှိခဲ့ကြပြီး အဆိုပါ ဖြစ်ရပ်များနှင့် ပတ်သက်၍ မစန်းစန်းနွယ် (ခ)မနန်းခွင်၏ ဖခင်ဦးအောင်လွင်ဦး မှ မကျေနပ်သဖြင့် အင်းတော် ရဲစခန်းတွင် အမှုဖွင့် တိုင်ကြားခဲ့ရာ အင်းတော် ရဲစခန်းမှ(ပ) /၂၀၁၀ပုဒ်မ (၃၆၆) ဖြင့် အမှုလက်ခံကာ အမှုအဖြစ် အင်းတော် ရဲစခန်းမှူး ရဲအုပ်မှ တာဝန်ယူ စစ်ဆေးလျက် ရှိပေသည်။ ထို့နောက် အမှုအား ခိုင်မာစွာ တည်ဆောက်၍ ကသာခရိုင် တရားရုံးသို့ တင်ပို့ခဲ့ရာ ကသာခရိုင် တရားရုံးမှ ပြစ်မှုကြီး အမှတ် ၃၈ဖြင့် လက်ခံစစ်ဆေး လျက်ရှိကြောင်း သိရသည်။


၀၃ . ၁၂ . ၂၀၁၀

ပြည့်တန်ဆာပွဲစား အမျိုးသမီး တစ်ဦးအား ဖမ်းဆီး အရေးယူ

မကွေးတိုင်း ဒေသကြီး၊ ပခုက္ကူမြို့နယ်တွင် စားသောက်ဆိုင်သို့ ပြည့်တန်ဆာ လုပ်ငန်းအတွက် အမျိုးသမီးများ လိုက်လံရှာဖွေ ပို့ဆောင်ပေးခဲ့သည့် အမျိုးသမီး တစ်ဦးအား စက်တင်ဘာ ၁ ရက်က သက်ဆိုင်ရာမှ ဖမ်းဆီးခဲ့ကြောင်း သတင်း ရရှိသည်။ အဆိုပါနေ့ နံနက်ပိုင်းက ပခုက္ကူမြို့နယ် ရဲစခန်းမှ နယ်ထိန်းခေါင်းဆောင် ဒုရဲအုပ်ထင်ပေါ် နှင့် အဖွဲ့သည် နယ်မြေ သတင်း စုံစမ်းနေစဉ် အမှတ် ၃ ရပ်နေ မxxxက မိန်းကလေးများ အား စုဆောင်းပြီး အခကြေးငွေယူကာ ပြည့်တန်ဆာ ကိစ္စ အလို့ငှာ ရေနံမှော်သို့ ပို့ဆောင်ပေးနေသည်ဟု သတင်းရပြီးနောက် စောင့်ကြည့်စဉ် အဆိုပါနေ့ နေ့လယ်အချိန်ခန့်တွင် ယင်းအမျိုးသမီးသည် ရပ်ကွက်အတွင်းရှိ အမျိုးသမီးငယ် နှစ်ဦးအား စည်းရုံးပြီး ပို့ဆောင်ရန် ကားဂိတ်သို့ ခေါ်ဆောင်လာသည်။

သက်ဆိုင်ရာ ရဲတပ်ဖွဲ့ဝင်များနှင့် သက်သေများ ပူးပေါင်း၍ ကားဂိတ်သို့ သွားရောက် စစ်ဆေးကာ ပို့ဆောင်ပေးသည့် မxxxxနှင့် အမျိုးသမီးနှစ်ဦးအား သက်ဆိုင်ရာ ရဲစခန်းသို့ ခေါ်ဆောင်ပြီး မေးမြန်းခဲ့ရာ မxxxxက ရေနံမှော်၌ အလုပ်ကောင်းကြောင်းနှင့် စားသောက်ဆိုင်တွင် ပြည့်တန်ဆာကိစ္စ ပျော်ပါးရန် တစ်ဦးလျှင် ကျပ်သုံးသောင်း အကျိုးအမြတ် ရယူကာ အပ်နှံပေးသွားမည် ဖြစ်ကြောင်း ပြောဆိုပြီး ခေါ်ဆိုခဲ့ကြောင်း ထွက်ဆိုခဲ့သည်ဟု ဆိုသည်။ အဆိုပါ အမှုနှင့် ပတ်သက်ပြီး စစ်ဆေးဖော်ထုတ်ချက် များအရ ပြည့်တန်ဆာကိစ္စ အလို့ငှာ မိန်းကလေးများအား စုဆောင်းပို့ဆောင်ပေးသူ မxxxxxအား အရေးယူပေးပါရန် တိုင်တန်းခဲ့ရာ သက်ဆိုင်ရာရဲ စခန်းက (ပ)၃၂၁/၁၀၊ ပြည့်တန်ဆာ နှိပ်ကွပ်ရေး အက်ဥပဒေ ပုဒ်မ ၆(၁) ဖြင့် အမှုဖွင့် စစ်ဆေးလျက် ရှိကြောင်း သိရသည်။


၀၃ . ၁၂ . ၂၀၁၀
© 7 Day News
စောရန်နိုင်

ဂိမ်းစွဲနေသော မိခင်က ရင်သွေးငယ်အား သတ်ဖြတ်

ဂျက်ဆန်ဗီးလ် (ဖလော်ရီဒါ) - အသက် ငယ်ရွယ်သူ မိခင် တစ်ဦးသည် ဂိမ်း ကစားနေစဉ် ငိုယို နေသော သားငယ် ဖြစ်သူအား သေဆုံး စေသည် အထိ လှုပ်ခါ ရမ်းခဲ့ကြောင်း သိရသည်။ မိခင် ဖြစ်သူသည် အသက် (၂၂) နှစ် အရွယ် ရှိသည့် အလက်ဇန္ဒား တိုဘီယာ့စ် ဖြစ်သည်။ သူမ၏ အသက် သုံးလသား အရွယ် သားငယ်အား သေဆုံး စေခဲ့သည့် အတွက် ရုံးတော်တွင် အသနား ခံခဲ့သည်ဟု သတင်းစာတွင် ဖော်ပြ ခဲ့သည်။ သူမက ရဲစခန်းတွင် ပြောကြားရာ၌ သူမသည် Facebook တွင် Farm Ville ဂိမ်း အား ကစား နေစဉ် သူမသား ဖြစ်သူမှာ အဆက်မ ပြတ် ငိုယိုနေသည့် အတွက် ကလေးငယ်ကို ဆွဲခါ ရမ်းခဲ့ကြောင်း၊ သူမ စိတ်များ ငြိမ်စေရန် စီးကရက် တစ်လိပ် သောက်ခဲ့ သေးကြောင်း၊ သူမက ကလေးကို ထပ်မံ၍ လှုပ်ခါ ခဲ့ကြောင်း၊ ကလေးငယ်၏ ဦးခေါင်း ထိခိုက် မိခဲ့ပုံ ရကြောင်း အစစ်ဆေး ခံခဲ့သည်။


တိုဘီယာ့စ် ၏ လှုပ်ခါမှုကြောင့် ကလေး အသက်ရှူ ရပ်သွားခဲ့သည့် အတွက် သူမက ဆေးဘက် အကူများကို အကူအညီ တောင်းခဲ့ကြောင်း၊ ကလေးငယ်အား ဆေးရုံသို့ သယ်ဆောင်ရာ ဦးခေါင်းတွင် ထိခိုက် ဒဏ်ရာ ရခဲ့၍ ခြေထောက် တစ်ဖက် ကျိုးသွား ခဲ့သည်ဟု စစ်ဆေး တွေ့ရှိရကြောင်း၊ ဆေးကုသပေးသည့် ဆရာဝန်၏ အဆိုအရ ကလေးငယ်သည် ဦးခေါင်း ထိခိုက် ဒဏ်ရာကြောင့် သေဆုံး ခဲ့ခြင်း ဖြစ်ကြောင်း စသည်ဖြင့် သတင်းစာ များတွင် ရေးသား ဖော်ပြခဲ့သည်။ မိခင်ဖြစ်သူ တိုဘီယာ့စ်မှာ အနည်းဆုံး ထောင်ဒဏ် ၂၅နှစ်ခန့် ပြစ်ဒဏ် ကျခံရဖွယ် ရှိနေပြီး သူမအား ဒီဇင်ဘာလ အတွင်း စီရင်ချက် ချသွားမည်ဟု သိရသည်။


၁၇ . ၁၁ . ၂၀၁၀
Ref: TST
© Flower News

မုဒိမ်းမှု ကျူးလွန်သူ ထောင် နှစ် ၅၀၀ ကျ

တပ်ဆန်(အရီဇိုးနား)- အရီဇိုးနား တက္ကသိုလ်မှ ကျောင်းသူ နှစ်ဦးကို မုဒိမ်း ပြုကျင့်ခဲ့သော တပ်ဆန်မြို့သား တစ်ဦးအား ထောင်ဒဏ် ၅၄၄ နှစ် ပြစ်ဒဏ် ချမှတ်ခဲ့ကြောင်း သိရသည်။ Daily Star သတင်းစာတွင် ရေးသား ဖော်ပြချက် အရ အသက် (၃၁) နှစ် အရွယ်ရှိ မန်နျူ ယယ်ဂါ ဆီယာ အား သူ၏ ကြီးလေးသော ပြစ်မှု အတွက် ဇူလိုင် ၁၉ရက်က စီရင်ချက် ချမှတ်ခဲ့ခြင်း ဖြစ်ကြောင်း သိရသည်။ ဂါဆီယာသည် အရီဇိုးနား တက္ကသိုလ် ကျောင်းသူ နှစ်ဦး ရှိနေသော အိမ်များ ထဲသို့ အမှတ်မထင် ၀င်ရောက် သွားခဲ့ခြင်း ဖြစ်သည်။ သူ ၀င်ရောက်သွားသည့် အချိန်တွင် ကျောင်းသူ လေးများမှာ အိပ်ပျော်နေလျက် ရှိကြောင်း၊ သူက နှစ်ဦးစလုံးကို မုဒိမ်း ကျင့်ခဲ့ခြင်း ဖြစ်ကြောင်း ပီမာ ကောင်တီ တရားရုံးရှေ့နေက သက်သေ အထောက်အထားများနှင့် တင်ပြခဲ့ခြင်း ဖြစ်သည်။

ဂါဆီယာအား ၂၀၀၉ ခုနှစ် ဇွန်လက မူးယစ်ဆေးဝါး အမှု နှင့် ဖမ်းဆီး ထိန်းသိမ်း ခဲ့ပြီး သူ၏ ဒီအင်န်အေအား စစ်ဆေးတွေ့ရှိခဲ့သော အချက် အလက်များ အရ ကျောင်းသူလေး နှစ်ဦးအား လိင်ပိုင်း ဆိုင်ရာ ကိုယ်ထိ လက်ရောက် ကျူးလွန်မှုနှင့် ဆက်စပ် ပတ်သက်လျက် ရှိနေကြောင်း တွေ့ ရှိရခြင်း ဖြစ်သည်။



၁၇ . ၁၁ . ၂၀၁၀
Ref: AP
© Flower News

မြို့ဝန်သားက ၉၁၁ ကို နောက်ပြောင် မှုကြောင့် စွဲချက်တင် ခံရ

နောက်ပြောင် ကျီစယ်သူ တစ်ဦး ကြောင့် ချက်တန် ဒူဂါမြို့က ရဲတပ်ဖွဲ့ဝင်တွေ အလုပ်ရှုပ် ခဲ့ရတဲ့ အမှု တစ်မှု ဖြစ်ပွားခဲ့ ပါတယ်။ တကယ်တော့ အဲဒီ နောက်ပြောင် ကျီစယ်သူဟာ မြောက် ဂျော်ဂျီယာက မြို့တော်ဝန်ရဲ့ သားတစ်ဦး ဖြစ်ပါတယ်။ သူ့နာမည်က ဂျယ်ရယ် မီဆမ်းမား ဖြစ်ပါတယ်။ အသက် (၂၈) နှစ် အရွယ်ရှိတဲ့ ဆမ်းမားဟာ ကာတူဆာ ကောင်တီ မြို့ဝန် ဖီးလ်ဆမ်းမားရဲ့ သား ဖြစ်ပါတယ်။

အဲဒီနေ့က ဆမ်းမားဟာ ချက်တူနဲ့ နူဂါမြို့လယ်ကောင်မှာ သေနတ်သမား တစ်ဦးကို တွေ့ရှိရတယ် ဆိုပြီး ၉၁၁ကို ဖုန်းဆက်ခဲ့တာ ဖြစ်ပါတယ်။ ဒီလိုဖုန်းဆက်တဲ့ အတွက် ဟာမီတန်ကောင်တီ ရဲစခန်းက ရဲတပ်ဖွဲ့ဝင်တွေဟာ သေနတ်သမားကို ဖမ်းဆီးဖို့ ချက်တန်နူဂါ မြို့လယ်ကောင်ကို လက်နက် အပြည့်အစုံနဲ့ ချက်ချင်းလိုလို သွားရောက် ခဲ့ပါတယ်။ ဒါပေမဲ့ သူတို့ ရောက်တဲ့ အချိန်မှာ သေနတ်သမားကို မတွေ့ရဘဲ ဆမ်းမားနဲ့ သူ့ရဲ့သူငယ်ချင်း နှစ်ဦးကိုသာ တွေ့ခဲ့ကြရပါတယ်။ အခုဆိုရင် ဆမ်းမားဟာ မှားယွင်းတဲ့ သတင်းပေးမှုနဲ့ စွဲချက် တင်ခံရမယ့် အရေးနဲ့ ရင်ဆိုင် နေခဲ့ရပါတယ်။

၁၇ . ၁၁ . ၂၀၁၀
Ref: Internet/KH
© Flower News